விடுமுறைகளில் வீடுகளுக்கு சென்று திரும்பிய மட்டக்களப்பு மாவட்டத்திலுள்ள 14 பொலிஸ் நிலையங்களில் கடமையாற்றி வரும் 141 பொலிஸார் கல்லடி பொலிஸ் பயிற்சி முகாமில் தனிமைப்படுத்தப்பட்டுள்ளதாக இன்று திங்கட்கிழமை பொலிஸ் உயர் அதிகாரி ஒருவர் தெரிவித்தார்.
மட்டக்களப்பு மாவட்டத்திலுள்ள 14 பொலிஸ் நிலையங்களில் கடமையாற்றிவரும் பொலிஸ் உயர் அதிகாரி தொடக்கம் சாதாரன பொலிஸ் உத்தியோகத்தர் வரையில் தமது விடுமுறையில் வீடுகளுக்கு சென்று மீண்டும் கடமைக்கு திரும்பிய நிலையில் கொரோனா வைரஸ் தடுப்பு நடவடிக்கையின் கீழ் அவர்களை தனிமைப்படுத்தும் நடவடிக்கை எடுக்கப்பட்டுள்ளது.
இதற்கமைய விடுமுறையில் வீடுகளுக்கு சென்று இன்றுவரை திரும்பிய 141 பேரை 7 நாட்களுக்கு கல்லடியிலுள்ள பொலிஸ் பயிற்சி முகாமில் தனிமைப்படுத்தலுக்கு உட்படுத்தப்பட்டுள்ளனர் என அவர் தெரிவித்தார்.
