இறுதிப் போரில் இராணுவத்தினரால் கொல்லப்பட்ட தமிழ் மக்கள் தொடர்பில் முக்கிய தகவலை வெளியிட்ட சஜின் வாஸ்!

இறுதிப் போரில் இலங்கை இராணுவத்தினரால் தமிழ் மக்கள் கொல்லப்பட்டதும் ஆயிரக்கணக்கானோர் காணாமல் ஆக்கப்பட்டதும் உண்மை என மகிந்தவின் சகா சஜின் வாஸ் குணவர்த்தன தெரிவித்துள்ளார்.

இறுதிப்போரில் படையினரின் நடவடிக்கை காரணமாக பொதுமக்கள் எவரும் கொல்லப்படவில்லை என மஹிந்த ராஜபக்ச தலைமையிலான அரசு தெரிவித்திருந்ததை அவரது அமைச்சரவையில் முக்கிய பதவி வகித்த சஜின் வாஸ் குணவர்த்தன அடியோடு நிராகரித்துள்ளார்.

“இறுதிப்போரில் படையினரின் தாக்குதலில் தமிழீழ விடுதலைப்புலிகள் மட்டுமன்றி பொதுமக்களும் கொல்லப்பட்டார்கள். பொதுமக்கள் எவரும் கொல்லப்படவில்லை என்ற கருத்தை நான் ஒருபோதும் ஏற்றுகொள்ளவே மாட்டேன்” என்று அவர் தெரிவித்துள்ளார்.

‘வன்னியில் இடம்பெற்ற இறுதிப்போரில் பொதுமக்கள் எவரும் கொல்லப்படவில்லை, தமிழீழ விடுதலைப்புலிகள் மாத்திரமே கொல்லப்பட்டார்கள் என அரசு தெரிவித்து வருகின்றது. இதை நீங்கள் ஏற்றுக்கொள்கிறீர்களா?’ என்று ஆங்கில நாளிதழ் ஒன்று எழுப்பிய கேள்விக்குப் பதிலளிக்கும்போதே அவர் மேற்கண்டவாறு கூறியுள்ளார்.

அவர் மேலும் தெரிவித்துள்ளதாவது:-